Od nekoliko sastojaka punih vitamina i minerala napravite odličan napitak za čišćenje organizma.

U narodnoj medicini se od davnina koriste voće, povrće i začini za pripremu različitih napitaka. Poznato je da ako želite da ojačate imunitet, uradite detoksikaciju… dovoljno je da pomješate nekoliko namirnica koje su pune vitamina, minerala i ostalih hranljivih materija. Napitak od dunje, jabuka, đumbira, limuna, jogurta i vode je odlično piće koje će očistiti vašu jetru i uništiti loše bakterije. Svaka voćka ima svoju prednost, a dunja npr. povoljno djeluje na rad crijeva i spriječava infektivne bolesti, a zahvaljujući pektinu pomaže u snižavanju krvnog pritiska i holesterola. Dunju u narodu često zovu „kraljica jeseni“, a čaj od ove voćke blagotvorno djeluje na disajne tegobe, smiruje kašalj, promuklost i ublažava simptome bronhitisa.Takođe, jača imunitet i čisti jetru.Jabuke, kao i dunje imaju dosta prednosti za naš organizam, kao npr. da nas drži duže sitim jer su pune vode i vlakana, ali su i brojne studije pokazale da one smanjuju rizik od brojnih srčanih oboljenja, jer, zbog nutrijenata koje sadrže, snižavaju loš holesterol i jačaju kosti i čine ih otpornijim. Mnogobrojni lijekovi mogu da oštete želudac, a pokazano je da konzumiranje jabuka štiti tkivo želuca, jer ga oblaže vlaknima. Ni đumbir nije ništa manje djelotvoran, a poznat je po tome što jača imunitet, ublažava prehladu, pomaže kod mršavljenja…

Sastojci:
1/2 dunje
1 jabuka
malo đumbira
sok od 1/2 limuna
2 kašike jogurta
250 ml vode
Priprema:
Dunju isjecite na manje djelove, kao i jabuku. Đumbir oljuštite i isjecite, pa sve stavite u blender. Dodajte limunov sok, jogurt i vodu. Dobro izblendirajte. Pije se čaša pola sata prije doručka i čaša sat vremena nakon večere, 3 puta nedjeljno. Uz ovaj napitak potrebno je piti i dosta vode.